قصيدتي زاد بعيوني جمالها ***** و خذت أنقي بالمعاني جزالها
وأكتب معانيها من الشوق و الغلى ***** لأمي و انا اصغر شاعر من عيالها
كتبتها في غربتي يوم رحلتي ***** لما طرالي بالسفرما طرالها
أمي و انا بوصف لها زود حبها ***** وان ما حكيت لها قصيدي الي حكالها
أمي لها بالجوف و القلب منزله ***** مكانه ما كنه قلوب نالها
أقرب من ضلالي و انا وسط غربتي ***** و انا ترى اقرب لها من ضلالها
ما شافت عيوني من الناس غيرها ***** ولا خلق رب الخلايق مثالها
أغلى بشر في جمله الناس كلهم ***** و أكرم من يدين المزون واهمالها
أتبع رضاها و أرتجي زود قربها ***** والي طلبته من حياتي وصالها
الصدق مرساها و الاشواق بحرها ***** و العطف و الاحساس بالغلا راس مالها
أهيم فيها وأبتسم يوم قلبها يسأل ***** و أنا قلبي يجاوب سؤالها
و أن طلبتني شي فزيت مندفع ***** أموت انا و أحمل تعبها بدالها
أصبر على الدنيا و الاحزان و التعب *****و احمل على متني فطاحل جبال
اسهر و عذب راحه البال بالشقى ***** و أعيش اعاني بس يرتاح بالها
الخميس أبريل 24, 2008 2:57 am
